اريد وياك اكعد

من طرف عباس الكربلائي السبت 26 ديسمبر 2009, 5:38 am

اريد وياك اكعد كعدة حساب
لان وكت المحاسب حان وكتة
جنت تضحك علي بجلمة اهواك
ورغم جذب المشاعر حبنة صنتة
عشت وياي عيشة حية رمال
وي لون الرمال الجلد صابغتة
وكالولي عليك وجذبت من كال
كبلي من البشر عشرين خنتة
كشفتك واعرفت ملعوبك وياي
واريد انساه ولا جن يوم عشتة
واني مو اول بشر بالعشك ينخان
ولا اول محب سولفوا قصتة
بعد ميهزني دمعك لو تهل عيناك
دمع تمساح هذا الي هملتة
وميغرني كلامك والحجي المعسول
لسانك للجذب متحضرة سالفتة
رد كل الاخذتة وارحل بعيد
واخذ طعم المراة البيك ضكتة
واحذرك لاترد وتكلي ندمان
لان معنى الندم ماضن عرفتة

اخوكم عباس الكربلائي
اريد وياك اكعد 66672

abbes_gb@yahoo.com