خلي نتكابل اني وياك

كون بهمس من نتكـــــــــابل انه وياك
ولبحبيك حجي بعيونك اشـــــــرحهن
من يوم الكيتك عندي صار جنـــــــون
جـــــن عيونك من ســـــنين اعرفهن
ورود الكـــــــون كــــله ملونه بخديك
من ربك العــــــالي بيــــــك صانعهن
جــــمال وعـــــاطفه واحســــــــاس
سبحــــــــانك يربي شلون جامعهن
الصفات الحلوه معدوده على هاي الناس
وانته الكـــــون ضل صافن يباوعهن
للدنيا عجــــــايب بيها سبع اسرار
وانته تفوقت واصبحــــــــت ثامنهن
قيس ابن الملوح صح صبح مجنون
لان حس بالعشك واشعاره رتبهن
وهاي انه بعيونك هم صرت مجنون
ولخاطر عيونك صرت شـــــــاعرهن
كتبت اشعار لجلك من حبي ولسان
ويوميه الصبح من غبشه اراجعهن
اوصافك حفظ ماتنكتب بقـــــــــلام
بوسط العين نص الروح راسمهن
ليش النور اسرع قاعده بالهل الكون
لان باوع صفاتك راد يلحـــــــكهن
ومن اكعد اكبالك واسمعك شدكول
عيوني والجوارح كلها تملــــكهن
واذا اجه عليه الليل اريد ارتاح
اتذكر لكلته وابقى اســــولفهن
يخلص الليل كله وما يجيني النوم
مو جن السوالف توني سامعهن
ماعندي الاخسره لا وحك عيناك
بــــس عـــــــيوني من تمـــــــــر
انه لخاطر عيونك فدوى اشلعهن

اخوكم عباس الكربلائي
منقولـــــــــــــــــــــــــــــه