قصيدة الشاعر عريان السيد خلف(اخذني وياك)

اخذني وياك
چملني بعد گطره 00وخذني وياك
هناك00الفيض گلبك
حتى روحي تنام
عصفورة جرف00بلل جنحها الگيض
أمشي بغير واهس
والطواري گصار
وعيوني غرب00وچفوف ايديه وداع
واسمي00 بغير معنى
وميل كحلك غاب
وتنشدني على حبيي
حبيي حب وذاب
ياحبيي حلك تنور00 لو سرداب
صوغني 00ولو من ليلكم نجمه
تبات وياي
ومن تشبع سهر
ويجيشها الوهواس
اطفيها بصبح
والغبشه رشكة ماي
واشلعني ولع000
يدوي العطش بالعود
حتى انزع جلد روحي00
وارد لصباي
املي الفرح بسمك00ورد عالباب
فاحت ريحت ولنك بعد ماجاي
بعد ماجاي
من ياصوت اصيحك؟
والصدى يجاريك
وگنك مگدرت00 يالتگدر أبلياي