(تكلم قلبي , فقال ..!!! )
3 مشترك
صفحة 1 من اصل 1
(تكلم قلبي , فقال ..!!! )
حين أبقى لوحدي ... أصمت , فيتكلم قلبي ... وليته يصمت ...!!!
أتدرون ماذا يقول ...؟؟؟؟
يا قهر ...
أسئلك بالله يا قهر ..!!
ياللي جريانك علي مجرى النهر ,
يا قهر ... ليش عفت الدنية كلهة ,
ورابطت يم كَلبي ليش ..؟؟؟
ليش صار اسمي الهموم ,
وذبّل عيوني السهر ..؟؟
عنفواني انباكَـ صدفة ,
وضاع من عندي شبابي ...!!!
قبل ما تبتدي قصتي ,
انطوت صفحة كتابي ..
شنهو ذنبي ..؟؟؟
وعيني تربي ...!!
تريد ومضة أمل تسطع تنتشلني من عذابي ..!!
يا قهر وسفة التقيتك , وآنة كل عمري
تلاثين وشهر ..!!
المثلي عايش باحلة دنية , ياكل الخبزة المرية
وآنه .. آنه كل أكلي زهر ...!!!
خلصت احلى سنين عمري ,
لا حزن مر وتعدة ولا فرح يمي حضر ..
يا قهر ... كَللي شنهو تريد مني ..؟؟؟
وآنه شنهو البقة عندي ..؟؟
ما بقت حتى الأماني
وأختنكَـ لو كَلت (( ودّي )) ..!!
وكلهة ضدي ..
صاحبي وجاري البحدي ...
وعمي وخالي وجدي ...!!!
وآنه كل الوفة بروحي
يصح وفاي انكَلب ضدّي ..؟؟؟
]
ولك آنه الجنت ديوان السوالف
والربع حدر ايدي جانوا ...
وشنهي اطلب .. (( ما يخالف )) ..!!
وآنه حالف ...
ما تر بداري دمعة حيرانة وترد
لا ولا وجهي علة كل كَاصد يصد
جنت اطب النار مبسوم الشفايف ..
والعيون من السهر ذبلانة ,
بس مو سهر خايف ...!!!
سهر ملكَة وغانمة وطيب السوالف
سهر كَعدات النفل بين النوايف
سهر والنجمات تشهد , من تونسنه الكلايف
هسة ضاع ....
وانمرد عالمي بساع ....
طحت والطيحة ثجيلة وما تلكَتني السباع ...!!!
عمت عينج ... لا يكَاع ..!!!
ليش من دون أللي راحوا أبقة آني ...؟؟؟
لازم القرطاس بيدي وبس أأرخ للثواني ...
بسنة الفلانية راح فلان ... وتخلخل مكاني ...
ودفنتهم بيدي , واحد ورة واحد
هسة وحدي ... وحدي اتحمل واعاند
ما اريد الموت , لن ما ريد دفنة بأيد حاقد
لازم ابقة سنين خالد ...!!!
وارتجي الأجيال بلجي يصح لي واحد
بجفة جويات الدلال , لجن عطر الهيل صاعد ...!!
يا قهر ..... وتصير شاهد
من أغمض عيني والدلاّل بارد
وأنته تنحب ...(( ما كسرته ..!!!))
(( شكد تلاوينه وعصرته ..؟!؟!؟ ))
(( جنت اضن بموته أربح , لجن من غمّض خسرته ..!!))
يا قهر ...
أسئلك بالله , تعرف هالخبر ..؟؟؟
آنه عايش رغم عنك ,
وأنته موت من القهر ...!!!
يا قهر...!!
رد: (تكلم قلبي , فقال ..!!! )
كلمات روعه وابداع دائم سلمت يداك
اخي العزيز
تقبل تحياتي
اخي العزيز
تقبل تحياتي
حيدر الجبوري- نائب المدير العام
- عدد المساهمات : 587
العمر : 52
رقم العضوية : 2
تاريخ الانتساب : 1/10/2008
عارضة الطاقة :
احترام القوانين :
الاوسمة :
نقاط الشكر : 5
نقاط : 57999
تاريخ التسجيل : 01/10/2008
رد: (تكلم قلبي , فقال ..!!! )
قصيدة حلوة تسلم عليها
ابابيل- عضو مميز
- عدد المساهمات : 222
رقم العضوية : 5
تاريخ الانتساب : 21/9/2008
عارضة الطاقة :
احترام القوانين :
الاوسمة :
نقاط الشكر : 4
نقاط : 57770
تاريخ التسجيل : 21/09/2008
مواضيع مماثلة
» أصعب شئ فى الدنيا لما تفارق للى تحبه وهو قصادعنيك على طول لاقادر تكلم
» أمي ومكانتها في قلبي
» يا من جرحتني جرحا يؤلمني خذ قلبي فما عاد يلزمني
» أمي ومكانتها في قلبي
» يا من جرحتني جرحا يؤلمني خذ قلبي فما عاد يلزمني
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى