قصيدة دعوه للسيد عريان سيد خلف

من طرف عباس الكربلائي السبت 25 أبريل 2009, 7:11 am

دعوه

نفس هذا الطريق البيه ذبل عمري

زنفس هاي المسافه ونفس هذا الليل

سامرني اعله صبري ومانفع صبري

ونفس هذا الولع والولع صحوة موت

دك دنك روحي وبالنبض يسري

ونفس وجهي خلي والدمعه نجمة ليل

عافت سمه وبللت نحري

عايز تعتنيلي وتذبح المذبوح

وتكسر عبرتي وغصتي ابصدري

عاباك الخضر تليتني من النوم

كتلك فززتني وكلت ماادري

خايف لاتغشني وينفضح سري

وكل للناس عنك واكشف المستور

واغمك بالحجيواطلعك حري

حرت بامرك سنة دولاب عمري

يدور حركه باثر حركه وماصرت بامري

شنو فضلك عليه وحاطني وي الريح

خانك فرحتي ورملاتك تذري

لامثل انحلك وتدك عليه الباب

وتسر خاطري ولاكلت مثبري

معلكني بامل يادوب يشفع بيك

وتامل حلاتك واحتمل مري

حكك من تغثني وتعتمد ضري

برادك ليل كورك واعمر ليهوب

بعد المن تجيني وتنجوي ابحري

ريتك لانمت ولاطاب بيك الليل

لاضكت الوفي وبس دمعتك تجري

من طرف **ريم العراق** السبت 25 أبريل 2009, 3:20 pm

حلووووووووو هوووووواية
تحياتي
ريم العراق

fg3

من طرف عباس الكربلائي السبت 25 أبريل 2009, 5:42 pm

انتي الي احلا شكرا لمرورج

رد: قصيدة دعوه للسيد عريان سيد خلف