هذا الموت للشاعر عريان سيد خلف

من طرف عباس الكربلائي الجمعة 24 أبريل 2009, 7:13 am

هذا الموت
هاجس يبتدينة من لحظة التكوين
ويرافكنة العمر من غير ضجة وصوت
على جف المناية مشرهدين انام
ونلهث على الدنية ونبني بيهة ابيوت
ونتعافة ونذم بالخلك هذا وذاك
وعلة غفلة وزرك جدامنة التابوت
حاضر........
حاضر واربعينك بعد ماحلت
وروحك يل العزيز بروحنة انشدت
يل حاضر عزاك اتعزي المعزين
وتسكت الناعي العبرتة احتدت
ياعصر الفواتح يازمان الموت
كافي من الذبح مو ناس ما ضلت
ضاكت كاعنة من كبور فوك اكبور
فوك اكبور اهلنة اكبورنة اتعلت
كل يوم بهبية وكل صباح بويد
مثل سف الحصير الزلم تتسلت

مع تحيات اخوكم عباس الكربلائي