أمنيـــــــــــــــــــــــــــه لعريان سيد خلف

من طرف عباس الكربلائي الجمعة 24 أبريل 2009, 6:40 am

امنيه
ابين اجفون عيني اتمنى اخليك
واشيلنك دمع وبوحشتي ابجيك
اشكد مرت ليالي وحال الضيم حالي
على كل ذاك صبري الراح اجازيك
اشكد بجيتني اليوم انا ابجيك
جرب مثل حالي نار الفراك
وشوف اشلون منها النوم ينباك
يامفتاح روحي والسوالف بيك تحلا
والهوى يمرني ويربطني هبوبك ياندى الغبشه
ياخطار عيني هاكثر مغتاظ
من رمش الرمش زعلان تتمشى
انا حبيبك عمر زقني حنانك مثل الحميمه
وخذت طبعه وحنينه وطيبته
وفرني زماني وكبرت الوحشه
ياطير المحبه هم سمعت ابطير
ماهزه الحنين الديرته وعشه
ومواسم حتى طبع الطير موسم والهجر موسم
والايام التجي وتروح موسم والمواسم مثل الحجايات
موسم ينتهي وموسم ليبات بس تبقى حبيبي وماكلت بذات
لاتسكن ولاتهيد اشما طفيته اتزيد مثل جويه كليبي اليوم تجويك
اشكد بجيتني اليوم انا بجيك

تحياتي للجميع
اخوكم عباس الكربلائي