مثل ماتريد رهمني

من طرف عباس الكربلائي الأحد 12 أبريل 2009, 1:49 am

مثل ماتريد رهمني جذب وي غيرك انه ارهم
يزيبگ بيدي تتلاعب تلمني لوعليك التم
حلاوة ليل وطعم جمار برحيه وبعد اطعم
كفاني الشوف بعيوني اريد بكل اديه الزم
وتمنيتك على صدري واريدك بيدي تتلملم
عوافي بحك اليشربون ترجع واني خالي الهم
يمترهي وعليك ارهه رهاوة معضد بمعصم
رسمت العالم بلوحه ورسمتك وحدك بمرسم
باخر كل عناكيدي انه لشفافك متيم بعد ياناس التهمك ونته بياناس بعد اتهم
على ياحال تنشدني وعلى يامال نتألم
ابات بكربگ الليله واموت وماعليه اندم
تره حبي طفل مفطوم رجع تلميذ يتعلم
وغاوي الشاعر اليغويك يالغاوي شوكت تفهم
اهي تفاحه لو حواء الي غوت ادم
اخافن بالشجر تنعاف والوادم تذمك ذم
ليش ورودي تكطعهن وحرام بورودك انه اشتم

اووف تحياتي لاخوه الاعضاء

اخوكم عباس الكربلائي