هم اصدك يا بغداد ارجـــع

من طرف **ريم العراق** الخميس 02 أبريل 2009, 8:35 am

هم اصدك يا بغداد ارجـــع اوتـــرجــعيلـــــــي

وخلي راسي اعلـى رجليج بلـــيل تلوليلــــــي

واصدك اشم قداحج وانا ازهــــوا وتزهيلـي

يا ريت نرجع سوة مثل كــــبل تهوسيلـــــــي

بركصة الجوبي يايمـــــة كل يوم تدبجيلـــــي

اشلون انسة المسكوف بابونؤاس تسكفيلـــي

ويا نـــبعة الريحـــانة اسمـــعج تغنــيلـــــــي

اني واهــل الصوبيـــن انغنيليــج واتغنيلــي

ويمج دجلة الصافي انا اغسلج وتغسليلــي

عجب يرجع ذاك الزمن وشلهج وتشلهينــــي

وشم ترابج الطيب اصلي عليه وتباركينــــــي

يا بغــداد الله عليــج حركتي حبيي ديكوليلـــي

يعني ايصير احلم فد يوم ارجع او ترجعــيلـي

من اوصل لبغداد جم اعلوج تضحيلـــي

يروحــون فدوة الــج ادعيلــج وتدعيلــــــــي

************

واللة ابجي من فركتج حتى عمتلي اعيونــــي

كوليلي وانة بغربتي مـنيكدر يداوينـي

محـــــــد ايداريني ابد ماكو غيرج يداريــــــني

ولا يعرف قدري بشر انت وحـــدج تقدرينــي

ولا احد يصلــي علـيه غــيرج اكو يصليلـــــي

اريد اموتن انا برضج او بترابج تدفنيـــــــــني

بترابــــــج تدفنينــــي

بترابـــــج تدفنيــــــتني

هم اصــدك يا بغـــــــداد ارجــع وترجعيلي

ان شاء الله كل مسافر يرجع الى حضن بغداد
تحياتي لكم
ريم العراق
(منقول)

من طرف انجل العراقي الخميس 02 أبريل 2009, 1:56 pm

يارب بعود كل غريب لوطنه تسلمين اخت ريم قصيده روعة

من طرف **ريم العراق** الخميس 02 أبريل 2009, 2:37 pm

امين يارب يرجع كل مغترب
يسعدني مرورك انجل
تحياتي لك
ريم العراق

من طرف عباس الكربلائي الخميس 02 أبريل 2009, 7:06 pm

تسليمن ريم انشاء الله ترجعين انتي وباقي المغتربين
بجيتينه يمعوده000

من طرف **ريم العراق** الجمعة 03 أبريل 2009, 3:49 pm

دموعك غالية عليه عباس
ان شاء الله ما تنزل دمعة حزن وحدة من عيونكم
تسلم على المرور الطيب
ريم العراق

من طرف ابابيل السبت 04 أبريل 2009, 6:50 am

لا صدك الكلام مؤثر شلون بالله
شنكول غير ترجعين رافعة الراس ان شاء الله لهلج وربعج
واهديج هاي القصيدة
شما قسه وياي الزمن
بغداد حبج طري
صح غبتي عني غصب
بس طيفج بناضري