حركت الروح لمن فاركتهم

السلام عليكم شباب يا رب تكونون بخير وصحه جيده ورومانتيكيه ورومانسيه ونرجسيه عاليه يا رب ايامكم كلها ورود وعطور وجوري يا رب سعداء بكد ما اني هسا تعيس وحزين
هاي قصيده ((حركت الروح لمن فاركتهم بجيت ومن دموعي غركتهم شكال القلب لمن ودعتهم حركت الروح حركت الروح لمن فاركتهم )) القصيده


تنساني جذب ماصدّك اني بهاي
لان طبعك وفي وما يوم تنساني
وتلكاني جنح لو يوم الي احتاجيت
بس باوع الروحك بيك تلكاني
الساني السان شاعر موش ياهو الجان
للساني تشوف ايصفّك الساني
وبس ليك القوافي اتسطّرت الماز
والغيرك تضوج وتختل اوزاني
نيشانك اشوفه انجوم يمي اتدور
ومن تحتاج اني الكمر نيشاني
يا دم الحبي تدريه لما اتروح
جلد حيه يصير عليك شرياني
وبستاني بغيابك حنظل وعاكول
ويتحول ورد من تطب بستاني
حط ايدك بأيدي حان وكت الشوك
اذا حبيك يحبني احجيهه شمتاني
اردانك من نقص من لحم زندي انطيت
تستاهل كلت ماجملك ارداني
كل ضنّك اعوفك مستحيل اتصير
هم شايف بياض بوجه سوداني
كلما ارد ااذن للعشك الكاك
واكف يمي تسمع صوت اذاني
ومن تبدي وتكبّر يوج بيك الشوك
اصيرنلك حمد وبشوك تقراني
ابني ومن افكر اهدم البنيان
تجي غفله وتكمّل ساس بنياني
احجيهه بصراحه الخاطري اترجاك
من كدالشعر مو ملني شيطاني
صدّك لو كلتهه الحبي يركض ليك
وتذب الباب تركض ليك حيطاني
وعنوانك اكتبه بجفّي حرف الكاف
وألف وحاء باء ايصير عنواني
ارجو ان تعجبكم وتنال رضاكم تحيات علي ماجد العراقي