مو كلش حلــــــــــــــو

انت مو كلش حلو وذاك الجمال
رغم هذا الناس متعجبة عليك
وانت لو مريت يمنه بفرد يوم
صدّك الوادم زحف يمكن تجيك

انت واحد صدك بس فد نمط خاص
من تحل الشعر تخلسنه خلس
انت ما تدري من اشوفك من بعيد
انسطر واليوم حسبالي امس
واليباوعلك بعد لا ما يشوف
شلون يشوف وهوه باوع للشمس
وانت لا تطلع بعد خايف عليك
الي مثلك كون ابد ما ينلمس

يلي حته عيونك تباوع عليك
ويمكن شفافك تريد تبوس اديك
انت ضيم اسود نزل من السماء
شنهي فلمك كون طركاعه التجيك
شنهي فلمك غير شايلك جمال
اذا حته الخالقك منعجب بيك

وانت فد شئ ما كو مثلك بالبشر
ويمكن انت مو بشر انت مَلَك
واعتقد ربك خلق نصك جمال
ونص جمال الكون خلاه بس الك

تحيات اخوكم عباس الكربلائي
منقول

اتمنى ان تنال اعجابكم ....