دارميات

قلة عقل يهواي جيت اسال التيل
مامر عليك هواي يالتضوي بالليل

كل ظني بيك ارتاح بيك اظوي داري....
ثاري طلع يفلان حبك تجاري

باليمنة اكل بيه باليسرة اشربة
عفتة انة بس يومين شفتة وية غربة

ليش انت هيچ وياي تجرحني دومك
تدريني احبك حيل من خرب بيومك

أحچي بصراحة وياي حلوة الصراحة
ميلوگلك والله طبع الوكاحة

ليش الحلو محبوب من دون أصدقائه
لو كتل عشرة بيوم يطلع براءه

الدهر بس وياي شد الحرابه
من عكب خمس قصور هسه بخرابه

كون اني نجم بليل وانطر واتاني
تطلعلي بالشباك وانزلك اني

شتله بوسط هالروح حبك زرعته
كل همك انا انساك مخبل انت

حبيي ما عشك بنات ولا عشك نسوان
بس انت وحدج بي اي ولله والقران

حبك عماني بساع خلاني ما شوف
ارجف بنص تموز ومكبع بصوف

شنهو العسل وياك مايسوه فلسين
العسل ظاگك گال هذا الحلو منين

تدري الله من سواك ما دزك بساع !!
خاف انقلاب يصير من توصل الگاع

شحجي وشرد عليك مو حبيي فاير
جداحه هيتر صار لهل الجكاير

خدك ورد رمان ومربى مشمش
اجيك مثل الذبان واتگلي كش كش

اسمر وخاف عليك من مشية الكاع
فوك السمار البيك عيونك وساع

لو فد سباق يصير ياهو اجمل الناس
ونذب عليك تراب هم تاخذ الكاس

إعيونك انتة القوس و إرموشك سهام
كلمن يصد ترميه ، و تحكمة إعدام

يلي وكعت بالبير ظل بمجانك
من تطلع يصكوك يشوون اذانك

يكتل جمال البيه بس بيك لوله.
عوف السمن مو عيب بس عينه حوله