علم بلدي

من طرف انجل العراقي الأحد 15 مارس 2009, 8:34 pm

لا تحاول تخترق بيدك ضميري

وبضميري تشوفلك موطئ قدم

لاتحاول ولاتحاول تخترق بيدك ضميري

وبضميري تشوفلك موطئ قدم

ولاتحاول بيدك تنكس ضميري

وتنتظر اصفك وابتسم

اني غيره وشرف واخلاق بصفاتي

وكل صفاتي شيلها هذا العلم

نكست راية بلادي وهي راية امة من ارقه الامم

يا اخي خليك منصف

تترك الاعداء وتحاكم علم

علحجيك لازم نغير بلدنه

وللعراق احنه ندور غير اسم

وعلى حجيك من كتبنه لازم نغير الخريطة ونبدل الرسم

وعلى حجيك يا اخونه لازم نحرف الاية و لازم نغير القسم

شلون نترك هالسفينة ونبحر بأصغر بلم

شلون يستعرض الجندي وما على راسه علم

شلون يلعب منتخبنه وماكو بالملعب علم

شلون نحجي على المبادئ وانتكس راس القيم

اني 6000 عام سنين عمري وجاي تلغيها الي بجرة قلم

هذا بي الله اكبر والي يحمل هذا الاسم ماينثلم

جان عاد ال خاطر ال الله اكبر شلون تقبل ينتكس هذا الاسم

تكوم تكعد انته مني والكمر لو غاب شيفيد النجم

انا الكل وانته مني واذا صرت انته مهم اني الاهم

مهما تسندني واسندك القاعدة شتفيد اذا طاح الهرم

لاترجعنه اخي للطائفية

ولانقسم الارض كل واحد سهم

ولاترجعنه اخي للمذهبية

ولانقسم السكف كل واحد علم

انته مانكست قطعة من القماش

نكست تاريخنه الغالي الاشم

بس وحق راية محمد يبقى بيرغنه يرف بعلو النجم

اعلام كل الدول كلها

اعلام هاي الدول كلها

تروح فدوة ال لون واحد من الوانك يا علمنا الغالي يا اشرف علم

يا علمنا الغالي يا اشرف علم

من طرف ابابيل السبت 04 أبريل 2009, 6:40 am

اني 6000 عام سنين عمري وجاي تلغيها الي بجرة قلم
والله حتى اكثر من ستة الاف عام ومن هاي همه متخبلين
الف شكر اخي انجل على القصيدة والاحساس الراقي
تحياتي لك