جرحي لاچتال

جرحي لاچتال وخلص ولايطاوعني ويطيب
گلبي لاصاير رماد ولايخف عنه اللهيب
الناس لو تبجي اعله أهله لو على فراك الحبيب
وانه كل عمري كضيته وعشت باقيه غريب
صرت جلمه بلايه معنى لاتودي ولاتجيب
وشلون بالعله الجبيره الداخ بدواه الطبيب
لابعيد واكدر انسه ولاهو من يمي جريب شكثر مرتني مصايب منه المكمط يشيب

عباس الكربلائي
==================================
بالك لاتصاحب ذيب وحذر لون صاحبته
نابه من الغدر مسموم وماترهم دوه لعضته
كبلك شفت انه الويل وكبلك انه جربته
انه عن تجربه احجي وكبلك شفته وعرفته
==================================
كون تدري عيوني خبزه اشكد اكل بيه السهر حد ماعمت
وكون تدري دروبي عميه وعيني بالدم حومرت
وكون تدري الكمر ميت والنجوم الشيعت
جامشط صارت الاصابع شعر راسك لمشت
==================================
منين النوم يلفيني وانه الحسرات تاخذني وتوديني
منين النوم يلفيني وانه الحسرات بكليبي تجويني
منين النوم يلفيني وانه الصدمات تترادف على سنيني
منين النوم يلفيني وانه الاهات معجونه بشرايني
منين النوم يلفيني وانهجروح الحبيب تسهر بعيني
==================================
يعاتبني بحزن عباس وادري بروحه زعلانه
اذا غلطان ياجمانه احس الناس غلطانه
ولاكلمن غلط مره تبره منه خوانه
يبويه ريتنه بنور العين وصينه بخطايانه
اصيحن واعترف غلطان بس تتشمت تره اعدانه
وحك الله وحليب امي وجهلنه الجان ريحانه
فلا ذنب العليه تلوم ذنب الدنيه خوانه
تعالي وشوفي بياحال حالي ورده ذبلانه
*****
اخوكم عباس الكربلائي