بس كلمة أحبــــــــــــك

بس كلمة احبك منتظرها اسنين
بس كوليها فدوة شبيج ريحيني
بغربال العمر غربلت لسنين
وانتي الي طلعتي بناتج اسنيني
اريد آنه اشوفج واشبع العين
من شوفت عيونج ماتمل عيني
مو تدرين احبج وآنه اموت اعليج
لتظمينة حبج يلا راويني
بس كلّيلي احبك لاتخافيني
كم مرّة السألتج ها...تحبيني؟؟
حبج بالحبي صدكيني للموت
وماينّسي الصاير بينج وبيني
جا خجلانة مني وماتكولين؟
بس كلمة أحبــــــــــــك 433613

لو انتي بدلالج بس تعذبيني
يالدوم اعلة بالي ومانسيتج يوم
اتمنى انتي مثلي ومانسيتيني
احب اسمج صدك من دون الاسماء
واحب اسمي شكثر لمّن تناديني
الج وحشة بكثر ماكاظم يكول
وعلى كولة نزار بشعره زيديني
ومثل ماكال اجمل عيني مابالكون
الساهر رجع ويكول احبيني

احبيني احبيني احبيني