للعشااق هلي بيه درو كمت احبك

هلي بيه درو كمت اني احبك

ودرو بس انته تلفتلي انتباهي

هلي يدرون من تزاعل اوياي

اظل اصرخ رحمتك يالهي

هلي سالوني عنك وكلت بالروح

وسالوني على روحي وكلت ماهي

وانته هواي متغير هاليام

ولبراسك حجو اني عرفتهم

نفسهم همه اجو وتقربولي

دكو باب حبيي وطردتهم

ليش لان تقديرك انته فوك على الراس

احطهم وين انا لو قدرتهم

انته ماتجي بس اني اشوفك

وهمه اشكد اجو بس ماشفتهم

لجل حالك بهذلت انا حالي

وحالي ايكول يالله المهم حالك

ودلالك زاد زيدلي اذيتي

واذيتي اجماله هم اتحب دلالك

كالولك كبل عندي علاقات

غيرك عاشك اني اهواي اسامي

اعشكت غيرك اي نعم بس تدري اشلون

اعشكتهم مو صدك واني بحلامي

واني عندي سبب حبيت غيرك

حتى امتلك خبره في غرامي

صار اسنين احضر واقره لهواك

وصار اسنين احضر في كلامي

لان ميصير احبك مثل غيرك

واني الضامك لاخر ايامي

انا الحبيتهم جانو بروفات

حتى انته تظل مسك الختامي

عليك اطوطحت صاحي مو سكران

واني اول محب سكران صاحي

دوام اهل المدرس وكت واحد

ودوامك بالحبي صبحي ومسائي

اتمنى تناال اعجاابكم
تحياتي للجميع