قصيدة(گوه) للشاعر عريان السيد خلف

گوه 00 گوه
اتريدني العذال ارد للشوك واهوه
او مادروني اضحك ضحك مچبود چلمچبود گوه
اومادروني اسحن سحن بالروح واحزن هالعذاب ابسمل چلوه
خايف السان البطر واضحك جذب والنار جوه
اوصاير اوروحي لبملام اللايمين ابتلت بلوه
حارت وياهم يذكروها المضه او كالو اشدعوه؟
واصبحت مثل اليهد اوحيد جدام الزلم وبعازة الخوه
ينولي اوخالي الظهر مهظوم بدموعه ايتجوه
ذكرت روحي ابتعبها الضاع جالهويه ابشبج والراح فدوه
زنت او ونه توالي الليل للمالوم سلوه
بارت اوجاري البزل شيفيد من يحرن ابعلوه
اودورت صاحب كلت بلجي امن المجافينه اشوه
لنه ركطه خيط وبسم الثعابين ايتطوه
ارد اشج روحي ابرمح حسرات من تذكر الخوه
وارد اصيحن تايب امن الشوك ماظل عمر يسوه

مع تحيات اخوكم عباس الكربلائي

Razz