ابوذيات حلوه للحلويـــــــــــــــــــــــــــن بس

من طرف عباس الكربلائي الإثنين 30 مارس 2009, 1:55 pm

القلب جندي ابغرامك وانته ملكه
لأن ملكك حبيبي وانته ملكه
يون واعرف وينينه ونته ملكه
الدخل وسطه وگعد غصبً عليه
مثل سحرك يساحر من يساوي
العسل گال اعله حسنك من يساوي
سحر زائد محاسن من يساوي
حبيبي انته النتيجه الأخريه
امن اشوفك قلبي يصرخ حيل دب دب
يالخدك ابماي الورد دب دب
يحله ابجفك امن اتشيل دب دب
لأن جفك عسل بي سمسميه
صحبتك ليش كصرت ماطلتهه
وانة الدنية اعلمودك ماطلتهه
جنت فرصة ثمينة او ماطلتهه
اخسرتني ليش وتريد الاذيه
حبيتك واصبحت ابغير عالم
ورب العرش يشـهدلـي وعالم
طالب اني عندك وانت عالم
تشرحلي وترد تمتحن بيـه
ياصاح شلونك بهجري وانة بعيد
لاجلك البس الاسود وانة بعيد
تكلي حيل احبنك وانة بعيد
اكرر والصدى يرجع علية
اطلبه اجه وفاني سوادين
شدهني وصارن براسي سوادين
يحقلي احزن عليك البس سوادين
الوجه والثوب اصبغهن سويه
تــحياتي للجميع اخوكم عباس الكربلائي

Evil or Very Mad