الغزل... جاوبني عليك سيد منيهل

السلام عليكم
شلونكم شيااااااااااب
راح انفجر اليوم ولا واحد موجود
بس هسا ضال صابر بس لعيون شخص
ربي يحفضه ويسلمه
الغزل تعرف شي للغزل اكتبه وراي
اتمنى تعجبكم

شما اصفن عليك بخلقتك احتار
تفاح انت لكن .. بيك نكهة موز


جايز اني واهم ؟ لا فلا معقول
انت بخلقتك معقوله كلشي يجوز


لعب حته الحسن ضدك طلع خسران
واذا ضدك العبك هم عليك تفوز


اجيت انه ارد اكطعك حته الك اهديك
واكلك هاك أ ُخذك انت وردة روز


صرت اطرب عليك الصوتك اني ارتاح
مثل اذن الصبح من تطرب الفيروز


نضرات البشر صارت عليك سيوف
وجم سيف انذبح وبنضرتك محزوز


يل بجسمك لهب والشمس بيك تنام
والقطب الشمالي اعله الصدر مخبوز


شرد حته الشته واحنه بوسط كانون
من انت اطلعت حسباله جي تموز


مثلك ماكو مثلك واستحاله يكون
حته مرايتك ما تعكسك مثلك


واذا تمشي انت ضلك يمشي كوه وياك
لأن الكاع كلهه تجلـــب بضلك


وشعرك لو نثرته يحيط بينه الغيم
وتجيك اكلوبنه بجفيك تتوسلك


تشمرهن علينه ونركض احنه اعليك
ندوس كلوبنه وكل احنه نتزحلك


تدعي الجنه الك متريدك انت تموت
تدعيلك تعيش الجنه تـــــــتــــمنه


تقبلو تحياتي
علي ماجد العراقي